同成年人一樣，小朋友間中都會出現負面、不安、害怕嘅情緒☹️，家長有時可能唔容易察覺到。為提升家長對兒童負面情緒嘅認識及關注度🆙，中西區民政處聯同YWCA西環綜合社會服務處，於每月指定嘅三個星期六，喺堅尼地城社區綜合大樓一樓共用空間舉辦👦🏻👧🏻兒童「放‧空」間💭活動，為小朋友及家長提供一個放鬆心神嘅休息空間😮‍💨。



小朋友利用不同工具，如空靈鼓🥁、香薰🌸、花茶🍵、沙畫以及禪繞畫🖼️，體驗「五感」活動（即聽覺、嗅覺、味覺、觸覺及視覺），學習chill住去玩😝，建立面對挫敗時嘅正面態度及調節情緒嘅方法，從而促進佢哋身心靈健康💪🏻。家長亦可透過小朋友戴住嘅情緒偵測手帶，喺導師引導下觀察小朋友，了解小朋友喺活動期間嘅情緒變化👀。



歷時近8️⃣個月嘅『兒童「放‧空」間』活動已經圓滿結束，整項計劃為超過5️⃣0️⃣0️⃣名兒童及家長提供服務。唔少參加活動嘅小朋友都話活動好玩👍🏻，而家長都話更明白如何處理小朋友嘅負面情緒😌。共用空間喺嚟緊6️⃣月份又會有新搞作，將會推出適合不同年齡層放輕鬆嘅活動🤗，大家要密切留意啦！