【慶祝香港回歸2️⃣7️⃣周年 — Paint My Dreams繪畫藝術工作坊🎨】



由中西區民政處同中西區青年網絡合辦、中西區青年發展及公民教育委員會，以及中西區青年社區建設委員會喺今年暑假協辦嘅 Paint My Dreams 💭繪畫藝術工作坊，已經圓滿結束啦🎉🎊！ 今個暑假，一班年青人全情投入藝術世界🧑🏻‍🎨，齊齊喺中環art studio上咗8️⃣堂繪畫班。透過細膩筆觸🖌️同七彩顏料我手繪我心✍🏼，將自己心中所想所愛，以繪畫藝術形式呈現🫶🏼。學員嘗試咗一系列繪畫藝術創作，包括傳統中式水墨畫、塑膠彩畫🎨、水彩畫、素描✏️；亦有特色繪畫如酒精畫同鏡畫🪞。佢哋仲突破紙張嘅界限，創作咗睇得又擺得嘅水托花💐同可愛招財貓🐱添！

喺導師指導下🪄，就算平時無特別接觸繪畫嘅朋友仔，都可以好快掌握繪圖同創作技巧🖍️，完成作品🎊。有唔少學員仲約埋三五知己👥一齊上堂，傾吓偈、畫吓畫👩🏻‍🎨，一齊度過悠閒愉快充實嘅夏日時光☀️！