郊遊行山🏞️、搵靚景👀影相打卡🤳🏻，係好多青年嘅周末活動😊。中西區民政處及中西區青年網絡喺剛過去嘅周末，就舉辦咗🏔️香港地質攝影工作坊📸，一次滿足大家郊遊同打卡2️⃣個願望✅。

為咗影靚相同好好記錄低香港地質風貌🏞️，一班年青人出發前先上咗堂由專業攝影師指導嘅攝影理論課👨🏻🏫，學習專業攝影竅門、器材運用、基礎構圖同風景攝影技巧等。 掌握到基本拍攝技巧後，一行人喺上星期六(2/3)出發到聯合國教科文組織世界地質公園景點 — 萬宜水庫東壩🗾進行地質攝影練習💪🏻。當日氣溫急降、寒風凜冽🥶，但仍無阻一班年青人進行實地拍攝嘅決心😌。

喺導賞員講解下，大家親身感受到大自然嘅鬼斧神工，仲了解到香港地質嘅歷史及地貌😮。一班青年朋友set好腳架，攞啱角度，咔擦聲此起彼落📸，盡情以鏡頭捕捉著名嘅六角形岩柱群、海蝕洞、防波堤以及優美嘅海岸景致🤩🌊。大家更雀躍咁互相分享靚相及交流心得💬。

有參加者過往曾經學過攝影，亦有參加者初次接觸專業相機，但大家原來都係地質攝影新手😮。參加者都表示好開心，有機會學到拍攝地質嘅技巧，享受箇中樂趣🤩。隨團嘅專業攝影導師都大讚參加者嘅作品有板有眼，有潛質發展成為專業攝影師📸👍🏻！