中西區民政處聯同中西區青年網絡喺一連兩日喺中環街市舉辦嘅「職業博覽2023👦🏻👧🏻@中西區」完滿結束啦👏🏻！中西區兩個青年委員會亦有參與籌備工作，更有委員提供職業空缺👍🏻！職業博覽為參加者提供本地及大灣區嘅求職資訊及發展機遇，吸引超過8️⃣0️⃣0️⃣名人士參與🤩。

博覽為參加者提供職位空缺資訊，等佢哋可以喺超過1️⃣0️⃣0️⃣份筍工當中尋找適合自己嘅職位✅，仲可以即場進行面試✍🏻。為咗協助參加者做好職業生涯規劃👍🏻，我哋亦設有職業體驗活動，畀參加者體驗剪接、平面設計等工作，等參加者即場了解自己適合及喜歡嘅行業，定立職涯目標及方向🗺️。

另外，博覽亦設有由各行業專家主講嘅專題講座🗣️，同參加者分享創業之道，以及喺求職時提升個人競爭力嘅竅門💡。同時，我哋亦舉辦工作坊，協助求職者了解自己，發掘自己嘅優點😌，並向佢哋傳授撰寫個人履歷同埋面試嘅技巧，等佢哋喺求職時勝人一籌🤩。

參觀嘅年青人都表示有機會同僱主或者機構代表直接面談💬，有助佢地更快掌握行業嘅最新資訊👍🏻，而專題講座同埋工作坊亦令佢哋學懂如何積極裝備自己，提升個人競爭力，務求喺芸芸求職者中突圍而出😊！