【職業體驗館@中西區】

日期 : 2022-08-28
【職業體驗館@中西區】

由中西區民政處主辦嘅職業體驗館💼 開始咗啦!今日,一班經過受訓嘅青年義工化身為職業導航員💁🏻‍♀️💁🏻‍♂️,喺堅尼地城社區綜合大樓一樓公共空間嘅【職業體驗館】教一班小朋友👧🏻👦🏻學沖咖啡同整甜品。一班穿着整齊制服嘅小小咖啡師同小小烘焙師🧑🏻‍🍳👩🏻‍🍳,細心聆聽👂🏻職業導航員嘅指導後,都成功製作出精美嘅咖啡☕️同美輪美奐嘅甜品🥯!

職業導航員仲教識小朋友點樣運用模擬金錢💰進行買賣,令佢哋喺模擬工作間體驗實際嘅工作環境,同埋感受工作意義❤️同使命💪🏻。活動同時亦培養職業導航員嘅責任感同訓練團隊協作精神🤝🏻,啟發各參加者嘅天份同潛能🧠。

活動中獲益良多嘅👍🏻,又點止職業導航員同埋小朋友呢!相信一班家長👨🏻👩🏻收到小朋友送上親自炮製嘅咖啡同甜品☕🍩,都一定覺得甜到入心啦💓!
#中西民政處 #職業體驗館



© 2020 邊玩邊學 版權所有。本網頁使用1920 x 1080 解像度及 Google Chrome 最新版本瀏覽效果最佳。