相信唔少人都鐘意閒時下廚，為家人同朋友烹飪佳餚，共享美食😋👍🏻。



中西區民政處喺農曆新年前開辦「廚樂無窮」烹飪興趣班，請來多位經驗豐富嘅大廚，教導學員製作賀年糕點及環球美食🤩，並認識各地食品文化🗺。



喺大廚嘅帶領下，學員們成功親手炮製咗多種美食😋，包括新春必食嘅蘿蔔糕🤩、又稱「嶺南第一糕」嘅白糖糕🍬 、寓意財源茂盛嘅腰果酥🥠、有養顏之效嘅杞子桂花糕🌼、西班牙海鮮炒飯🥘、焦糖意式奶凍😍、堅果香蕉蛋糕🍌、焦糖布丁🍮、日式蛋包飯🥚、日式太卷🍙、泰式炒金邊粉🍲同埋椰汁西米糕😋！



中西區民政專員梁子琪亦有參與烹飪班，同學員們一齊學烹飪，並交流下廚心得👍🏻。學員們都表示可以親手製作美食同家人分享，好有成功感啊🤩！