由中西區民政處同中西區青年網絡合辦、中西區青年發展及公民教育委員會，以及中西區青年社區建設委員會協辦嘅「廚樂無窮之節慶煮意👩🏻‍🍳」，喺9️⃣月至🔟月期間，一共舉行咗5️⃣節烹飪班。一班年青人著起圍裙，走入廚藝教室🥣，跟住烹飪導師學煮各個省份嘅傳統菜式🥢，齊齊分享國慶喜悦🤩。

今次試煮嘅菜式集合京、川、滬名菜，有紅燒獅子頭🧆、燻樟茶鴨、花雕醉雞等，亦有潮州經典菜式同埋雲南小食🥠 。烹飪導師由基本嘅預備食材講起，再到進階少少嘅揉麵🫓、包餡料🌮、煎炸炒技巧🍳等，同時分享烹飪小竅門同埋唔同食材嘅特性，例如辨別陳皮香氣😌、魚露製作等小知識。喺導師指導下，大家無論係切菜🥒、醃肉🥩定挑蝦腸🦐等步驟都做得有板有眼，絕對唔似入廚初哥🧑🏻‍🍳！

大家見到親手炮製嘅美食出爐🍲，都非常滿足，仲話要同親朋好友分享滋味添呀😋🍽️！我哋希望透過今次烹飪班，加深年青人對中華飲食文化🥢嘅認識，學識欣賞每道菜式背後嘅選料同製作心思❤️，享受入廚樂趣✨。