中西區民政處聯同中西區青年網絡喺2023年3-4月期間舉辦咗「走上型與格」化妝及髮型設計課程，安排專業化妝師教授青少年學員正確使用專業化妝工具、化妝技巧💄，同埋髮型設計技巧💈。課程中，學員除咗對化妝行業有基本認識，更學識為自己塑造令人眼前一亮嘅造型🤩。學員之間仲積極交流意見同心得，互相學習👍。



完成課程後，學員喺中環大館舉辦嘅「長者型格日」將課程中學到嘅技巧學以致用👏，一手包辦一班長者👨🏻‍🦳👵🏻嘅妝容同髮型。學員仲同專業攝影團隊合力為長者影沙龍 ！一班老友記化妝後，都展露出燦爛嘅笑容同擺出有型姿勢，紛紛留低倩影同屋企人分享啊🤩！



學員都表示活動除咗教識佢哋為自己及其他人設計造型💈💄，更有實習機會，令佢哋更了解相關行業嘅工作👏。佢哋見到老友記扮完靚咁開心亦增強咗自己嘅自信心啊☺️！