最近天朗氣清☀️，涼風送爽🌬️，最啱玩戶外活動！中西區民政處同中西區青年網絡喺月初(1/12)合辦「運動達人體驗館」活動，鼓勵青少年勇於踏出舒適圈，挑戰唔同難度嘅運動項目，建立自信🤩。

一班年青人先喺團隊建設遊戲中熱吓身、互相認識🤝，然後體驗糅合電競同運動元素嘅AR閃避球🤼‍♂️，再挑戰考驗體能同膽量嘅戶外繩網陣🪢同埋運動攀登🧗🏼。過程中，大家都玩得好投入，發揮解難能力同團隊合作精神🤝，例如玩AR閃避球時齊齊商量戰術🗣️、挑戰戶外繩網陣時同隊友互相扶持💪🏼、運動攀登時奮力朝住目標進發🏅。參加者合力完成各項挑戰，除咗有滿足感😌，經過一日相處，更收穫寶貴嘅友誼👭🏻👨🏻‍🤝‍👨🏼。

中西區民政處同中西區青年網絡會繼續喺社區推廣運動風氣⛹🏻‍♂️🤺，鼓勵市民及青年人多做運動，享受運動帶來嘅樂趣❤️。